اليوم العاشر من التحدي تعلم اللغة الانكليزية
Hello friends
10 ايام مرت من تحدي 29 يوم ((خلصت بسرعة🙇))
كان تحدي ممتع كلش حبيتة حسيته سهل مو بالصعوبة الي كنت اتصورها دائما من اسمع عن تحديات اتخيل ان بيها صعوبات وتحضيرات لازم اسويها بس بالعكس كلش حبيت التحدي وحتى حفزني ان بعد هذا التحدي ابلش بتحديات ثانية اكثر لان من خلال الكروب الي بي الاعضاء الي مشاركين بالتحدي شفت هواي تحديات كلش كلش حبيتة وضليت افكر وية نفسي ليش هالشي ما فكرت بي برغم اني كلش احبة
نرجع للتحدي وشنو داسوي حالياً
حاليا اشتريت بعض القصص الجديدة حتى تساعدني على القرائة برغم هيه للاطفال 😅 بس كلش داستمتع بقرائتها
وايضا مستمرة بالدروس على البوتيوب مع قناة طليق ومتابعة للافلام ومسلسلات والاغاني لتقوية الاستماع عندي
في نهاية كلامي اشكر مرتضى وكل التيم المساعد ويا بالتحدي الي خلص عند الجميع افكار حلوة
ملاحظة((اعتذر لان ماشاركت صور او مقطع فيديو لان لابتوي عندي عطل وماعرفت شلون انزل صور من موبايل))
نلتقي ❤️❤️
باي
تعليقات
إرسال تعليق